::::::Lonxa Literaria:novas:::::

O próximo 2 de marzo de 2012 ,a partir das 21:00 horas, no Centro Sociocultural Daniel Castelao, en Quintela

Nesta ocasión comentaremos o libro "Isto é un poema de amor e hai xente detrás", de autoría colectiva. Na tertulia estarán presentes dúas das súas autoras: Ledicia Costas e Lucía Aldao

Lionel Rexes, de Alfoz (Lugo), resultou gañador do Certame de Microrrelatos 2011

“Trátase dun metamorfismo de grao medio que ten conservado a estrutura da rocha en pregaduras previas ao magmatismo”.

Esa foi a explicación científica para aquela pedra con forma de libro aberto achada nun vello muro da parroquia de Lagoa, pero confiabamos máis na tradición oral ca na xeoloxía. Sempre escoitáramos que o Valadouro tiña sido un mar, e a topoimia local alimentara o soño.

A teoría do val glaciar non nos engaiolaba, viren do frío non achegaba a maxia de crermos moradores duha antiga conca abisal onde sobrevivira unha atávica xeografía, O Carballo Mariño, A Ribeira, A Augaquente… E a ninguén abraiaba o balandro chantado nun pasto da parroquia de Carballido, topónimo que nos evocaba as fantásticas árbores peláxicas que seguían vivas no maxín e no nomenclátor valegos. Esta imaxe era tan natural coma supoñer que a pegada da ondaxe ficara reflectiva nas pedras dos valados, ou vai ser casualidade que o balandro do pasto, orfo de sal e vento, estea no lugar que está? Abonda que lle chaman Porto.

O vindeiro 14 de outubro, a partir da 21:00 horas, no Centro Sociocultural Daniel Castelao, falaremos do libro "Casa atlántica, casa cabaret", de María Lado (Edicións Xerais de Galicia). Contaremos, coma sempre, coa presenza da autora. ¡ Participa !

O IX Certame de Microrrelatos Lonxa Literaria aterase ás seguintes bases:

A Lonxa Literaria vai pór en marcha unha nova iniciativa este ano que denominamos Verbas ao vento. Coincidindo coas festas da patroa, o Carme, o día 16 de xullo, levaremos a cabo un apegado polo termo municipal (desde a illa de San Bartolomeu ata o Con) de folios con textos das nosas lecturas favoritas. Queremos invitar a participar nesta iniciativa a todas as persoas interesadas para o cal terán que remitirnos os textos (de narrativa ou poesía) ao noso correo electrónico (info@lonxaliteraria.net), remitilos por correo ordinario a "Verbas ao vento, Lonxa Literaria, centro sociocultural Daniel Castelao, Quintela s/n, 36950 Moaña ou depositalos persoalmente na biblioteca municipal. Os textos de narrativa (necesariamente deberían ser fragamentos) conterán entre 10 e 20 liñas. Os de poesía recollerán un poema enteiro pero que non ocupe máis dunha cara dun folio. En todos eles figurará a obra da que son extraídos (ex.: O armiño dorme) e o seu autor/a (ex.: Xosé Antonio Neira Cruz). Se se desexa, pódese explicar a razón da escolla e asinar o correo. A recollida manterase aberta ata o 12 de xullo de 2010. Animávos a todos e a todas a participar"

O vindeiro 20 de maio, a partir da 21:00 horas, no Centro Sociocultural Daniel Castelao, falaremos do libro "Hai cu", do Leo (Edicións Xerais de Galicia). Contaremos, coma sempre, coa presenza do autor. ¡ Participa !

1. Poderán participar todas as persoas que o desexen presentando un ou varios traballos individuais.

2. Deseñarase un marcapáxinas orixinal cunhas medidas máximas de 40,50 cm de longo e por unha soa cara.

3. A técnica utilizada será libre e no caso de incluír texto este deberá estar escrito en galego.

5. Os traballos enviaranse ao centro sociocultural Daniel Castelao, Quintela s/n, 36950 Moaña, Ata o 31 de marzo de 2011.

6. O deseño gañador recibirá como premio un lote de libros. O xurado pode decidir conceder unha ou varias mencións especiais. Se a calidade dos traballos así o require tamén recibirán cadanseu premio.

7. A obra premiada será editada e distribuída pola Lonxa Literaria de Moaña, polo que o deseño orixinal poderá ser lixeiramente modificado.

8. Para calquera dúbida pode consultarse a páxina web da Lonxa (www.lonxaliteraria.net), enviar un correo electrónico (info@lonxaliteraria.net) ou ou chamar ao centro sociocultural Daniel Castelao (986 31 42 50) das 9:30 ás 13:00 e das 16:00 ás 20:00.

Autor invitado: Kiko Neves. Libro: "Un poema de amor". 18 de marzo, ás 9 da noite, no centro cultural de Quintela. Na biblioteca municipal de Moaña hai exemplares do libro a disposición de todos os que queiran participar

25 de febreiro, ás 6:30 da tarde, na Casa da Mocidade, Rosa Aneiros cos seus libros Resistencia e Ás de bolboreta

O vindeiro 20 de xaneiro, xoves, ás 8 da tarde, no centro cultural Daniel Castelao, con Domingo Villar para falarmos das súas obras Ollos de auga e A praia dos afogados.

Periferia de Iolanda Zúñiga. Será o próximo 14 de xaneiro, ás 21:00 horas, na casa da cultura de Quintela

"Como na difusión a través de Internet das bases do VIII Certame de Microrrelatos Lonxa Literaria houbo unha confusión e grafouse "mar" no canto de "maré", a proposta por nós, na Lonxa Literaria decidimos dar por válidos os relatos que tiñan tanto a palabra mar como maré".

Ós quince anos quixen ser pescador. Ó abrente vía marchar ós homes coas canas no ombreiro e os queipos na man, todos coa barba pechada e un cheirume acedo a salmoira nas roupas e na alma. Cando o soubo, meu pai púxome a traballar na tafona familiar.

Como xa non podía ver o mar, empecei a fabricalo. Aproveitei unha fornada de broa para moldear media ducia de peixes xeitosos que sairon do forno negros e tenros e vendéronse moi ben entre a rapazallada. As galletas e os biscoitos comezaron a acadar forma de quenllas e sereas, ata de argazos. Foi un éxito.

Así que esa noite forneei unha balea doce e crocante, con fariña de biscoito e crema de leite. Ó pai teríalle gustado, estou seguro, pero non a probou porque media hora antes eu mesmo lle sacara os ollos para soterralos na masa latexante, coma pequenos Xonás agardando no ventre de lévedo entre as froitas confeitadas e as améndoas".

Centro Socio-cultural “Daniel Castelao”
Sábado, 30 de outubro, ás 6,30 da tarde

UNHA MALTA PARA TODOS: Historia, música toponimia, danza, xogos, festas e literatura tradicional de Moaña.
Coa participación de Xosé Vázquez Pintor, Soledad Ríos, Xavier Blanco, Isidro Novo e veciñas e veciños de Moaña co seu saber contar e cantar.
ENTRADA LIBRE
Organiza. AELG (Asociación de Escritores en Lingua Galega)
Patrocina: Consellería de Cultura da Xunta de Galicia
Colaboran: Escola Municipal da Música Tradicional, Asociación Lonxa Literaria e concello de Moaña

Aterase ás seguintes bases:

1º. Os microrrelatos deberán estar escritos en galego normativo, cunha extensión máxima de 15 liñas a dobre espazo e cunha letra tipo Times New Roman, nº 12. No texto deberá conter necesariamente a palabra "MARÉ"
2º. Cada autor/a enviará un único relato.
3º. Convócase unha unha única categoría de participación, que se dotará dun premio de varios kg de mexillóns e berberechos.
4º. Se a calidade dos traballos presentados así o aconsella, nomearase un ou dous accésits sen dotación económica. De non acadar a calidade necesaria, o xurado poderá declarar o premio deserto.
5º. Os traballos remitiranse en sobre sen remitente. Dentro deste deberase incluír outro sobre con título do relato no seu exterior e os datos do/a autor/a no interior.
6º. Remitiranse tres copias de cada un dos microrrelatos antes do 31 DE OUTUBRO DE 2010
7º. O veredicto do xurado farase público o 19 de novembro do ano en curso. Por estas datas farase entrega do/os premio/s que se debe/n recoller persoalmente ou por delegación expresa.
8º. A publicación do traballo premiado realizarase a través da páxina web desta asociación (www.lonxaliteraria.net). Non obstante, resérvase a posibilidade de publicación noutro tipo de soportes no futuro.
9º. O feito de concursar supón a aceptación destas bases e a resolución do xurado.
10º O xurado do certame estará formado por dúas persoas de recoñecido prestixio do ámbito da literatura.

Presentación do libro "En conserva" de Xosé Daniel Costas Currás
O vindeiro día 13 de xuño, a partir das 8 da tarde, na nave de redeiras do porto de Cangas do Morrazo, a Lonxa Literaria presentará o libro de Xosé Daniel Costas Currás, premio Eusebio Lorenzo Baleirón 2009 dentro do proxecto artístico sobre a fábrica de Massó denominado "En conserva".
http://enconserva.todomodo.es/?page_id=297

Verbas ao vento
A Lonxa Literaria vai pór en marcha unha nova iniciativa este ano que denominamos Verbas ao vento.
Coincidindo coas festas da patroa, o Carme, o día 17 de xullo, levaremos a cabo un apegado polo termo municipal (desde a illa de San Bartolomeu ata o Con) de folios con textos das nosas lecturas favoritas.
Queremos invitar a participar nesta iniciativa a todas as persoas interesadas para o cal terán que remitirnos os textos (de narrativa ou poesía) ao noso correo electrónico (info@lonxaliteraria.net)
Os textos de narrativa (necesariamente deberían ser fragamentos) conterán entre 10 e 20 liñas. Os de poesía recollerán un poema enteiro pero que non ocupe máis dunha cara dun folio.
En todos eles figurará a obra da que son extraídos (ex.: O armiño dorme) e o seu autor/a (ex.: Xosé Antonio Neira Cruz).
Se se desexa, pódese explicar a razón da escolla e asinar o correo.
A recollida manterase aberta ata o 12 de xullo de 2010.

Presentación de libros
O vindeiro 3 de xuño, a partir das 8:30, e tamén no centro cultural Daniel Castelao, en Quintela, presentamos o libro Conservas, Premio de Poesía Eusebio Lorenzo Baleirón do ano 2009, convocado polo Concello de Dodro e que foi gañado por Xosé Daniel Costas Currás, un membro da Lonxa Literaria.

O libro acaba de ser publicado e convidamos a quen quixer que se achegue á presentación, que concluirá cun recitado de poemas do propio autor.

Tertulia literaria: Unha historia que non vou contar, de Cid Cabido
Na vindeira tertulia da Lonxa Literaria falaremos do libro "Unha historia que non vou contar" de Cid Cabido, editado en Xerais.
A cita terá lugar o 7 de maio no centro cultural de San Martiño a partir das 9 da noite.
Contaremos coa presenza do autor.
Convidamos a todas aquelas persoas que estean interesadas.
Se queres máis información mira estes enlaces:
Xerais
Xornal